Случајни минувачи се обидуваат да помогнат, летаат шамари..
Луѓе кои случајно се нашле на автобуска станица доживеале вистинска драма.
Неименувана 32-годишна девојка била киднапирана во саботата среде бел ден пред затворот „Стенли“ во Хонг Конг, а спасена е 15 минути подоцна откако полицијата добила информација за возилото кое требала да го пресретне и за рутата по која се движи.
Има и снимка на која се гледа како случајните минувачи се обидуваат да ја спасат жената, но за возврат добиваат неколку сериозни удари од киднаперите. Јавноста е дополнително шокирана од фактот што јасно се гледа дека нема никаква сериозна реакција од присутните затворски чувари.
Уапсени се четири лица, меѓу кои и 16-годишна тинејџерка, а весникот South China Morning Post го објави мотивот за киднапирањето.
„Дознаваме дека жртвата и четворицата уапсени се познаваат повеќе од една година и дека причината за инцидентот е меѓусебен финансиски спор“, изјави полицискиот инспектор Вонг Ју Фаи.
Жртвата се здобила со сериозни повреди на главата и на екстримитетите, а киднаперите се соочуваат со затворска казна до седум години.
* Текстот не смее да биде преземан без дозвола на редакцијата на МАСТИЛО.
