Конечно е соопштена вистинската причина за смртта на младата актерка и модел која почина на 32-годишна возраст.
Ѕвездата на годинашниот кански лауреат „Триаголник на тагата“ почина ненадејно во август.
Иако постоеше сомнеж дека причина за смртта на Шарлби Дин била вакцината против Ковид-19, нејзиниот брат Алекс Џејкобс за медиумите потврди дека тоа не е така.
Актерката починала поради компликации од рутинска операција која ја имала пред десет години. Таа доживеала тешка сообраќајна несреќа во 2009 година, по што лекарите ѝ ја отстраниле слезината. Во несреќата се здобила и со скршеници на ребрата и повреди на грбот.
Медицинскиот истражител од Њујорк во средата потврди дека причината за смртта е сепса. Нејзината бактериска сепса настанала откако била заразена со бактерија позната како Капноцитофага.
Иако инфекцијата е ретка, постојат различни видови на такви инфекции кои се развиваат во устата на луѓето, а се присутни и во устата на животните. Луѓето со автоимуни проблеми и без слезина се особено чувствителни.
Во својата релативно кратка актерска кариера оваа убавица имаше уште неколку забележителни ролји во остварувањата „Black Lightning“, „An Interview with God“ и „Spud“.
Само четири месеци пред да почине, Шарлби се сврши со долгогодишното момче Лук Чејс Вокер кој симболично ја запроси на Менхетен, на истата улица каде што првпат се бакнаа.
Фото: Инстаграм/Принтскрин Јутјуб
* Текстот не смее да биде превземан без дозвола на редакцијата на МАСТИЛО.