Денес има 49 години и се’ уште е голем фраер
Во Македонија се прослави со фолк-рефренот „Ангела“, а подоцна го освои и регионот со хитот „Јужна пруга“.
Штипјанецот Зоран Ванев на врвот од популарноста преку ноќ се повлече од сцената. Во едно интервју изјави дека естрадата сепак не е „тоа што го води напред“.
Микрофонот одлучи да го замени со белиот мантил и години наназад е еден од најбараните доктори за природна медицина во Швајцарија.
„Не случајно ме снема од сцената. Отсекогаш ме привлекувала медицината која е поврзана со природата, и последиците по здравјето на луѓето се безопасни и многу суштински, кои се во состојба на потполно лекување на било која болест, без разлика на комплексната ситуација, за разлика од други медицини кои само го залекуваат симптомот, меѓутоа главниот проблем си останува, или се’ повеќе се наштетува на другите органски функции со прејаките и пренападни медикаменти кои се од исклучиво хемиски состав, за разлика од природната медицина која продуктите ги црпи исклучиво од природата“, објасни тој.
Иако медицината му стана секојдневие, никогаш комплетно не ѝ сврте грб на музиката, но како што самиот кажа во една прилика, настапува само онаму каде што тој сака.
Фото: Принтскрин Јутјуб/Инстаграм
*Текстот не смее да биде преземан без дозвола на редакцијата на МАСТИЛО.
