Само неколку месеци откако ја прекина долгогодишната врска со колегата Иван Јованов од „Либеро бенд“, младата македонска пејачка Антониа Гиговска ги шокира фановите со информацијата дека е бремена и дека ќе се мажи.
Она што сите го коментираат на социјалните мрежи е нејзиниот нов избраник.
Станува збор за младиот музичар Роберт Спасенцовски кој, ако судиме по нивните заеднички фотографии на „Инстаграм“, и тоа како бил близок со поранешното момче на Антониа.
Атрактивната и исклучително талентирана Антониа која се прослави во регионалното музичко шоу „Пинкови ѕвездички“ откри дека ќе стане мајка на нејзиниот 22-ри роденден.
„Долго време молчевме, а сега дојде време да ја споделиме најголемата среќа со вас. Малечко мое! Отсега, секој мој роденден ќе го славиме заедно“, напиша таа на „Инстаграм“.
„Нека ми е среќен роденденот, погодете кој ќе стане мајка. Инаку, прстенот го бирал сам, умирам од среќа.. Си славам роденден, бепче, прстен, се’..“, ја дополни Гиговска објавата.
Антониа е актуелна со синглот „Хабиби“ кој го сними со Христијан Настески-Пајак. Песната ужива огромна популарност меѓу младата публика, а танцот од видеозаписот преку ноќ стана тренд меѓу македонските тиктокери.