На 27-годишна возраст ненадејно почина популарниот манекен и модел Џереми Рулеман.
Се’ уште не е позната причината за смртта, а тажната вест ја сподели дизајнерот Кристијан Сиријано.
„Навистина е тешко да изгубиш пријател кој беше толку убава душа. Џереми беше најубавиот човек кој даваше толку многу љубов на сите што ги среќаваше без разлика на се’“, напиша Сиријано на „Инстаграм“.
Рулеман беше најпознатиот машки модел на својата генерација и заштитно лице на најскапите модни брендови. Своето детство го помина во родниот Њу Џерси, а пред да влезе во светот на познатите студираше психологија.
Многу познати личности се огласија на социјалните мрежи по неговата смрт.
„Им ја испраќам сета љубов на неговото семејство кое изгуби посебна личност. Знам дека еден ден повторно ќе се сретнеме, но сега само сакам да го прегрнам. Убаво одмори се, Џеј, ние сите многу те сакаме!“, стои во една од објавите.
