На 45-годишна возраст почина Ени Вершинг.
Актерката ја изгуби битката со ракот за која знаеја само најблиските, па трагичната вест го шокираше Холивуд.
Вершинг е најпозната по ТВ-сериите 24, Bosch и Timeless.
Продолжила со снимања и откако ѝ ја дијагностицирале болеста во 2020 година, па редовно се појавувала на сет за потребите на серијата Star Trek: Picard and The Rookie.
Тажната вест ја потврди и нејзиниот сопруг со кого има три деца, 12-годишниот Фреди и четиригодишните близнаци Ози и Арчи.
„Денеска во душата на ова семејство се отвори огромна празнина. Но, ни остави нешто за да ја исполниме. Знаеше да пронајде чудо во наједноставните мигови. Не ѝ беше потребна музика за танц. Не’ научи да не чекаме авантурата да не’ пронајде, туку ние да ја откриеме. Овде, насекаде околу нас“, изјави тој.
