Неверување и шок, колегите се простуваат
На 56-годишна возраст почина францускиот актер Adama Niane.
Овој исклучително талентиран уметник се прослави во Lupin, хит-серијата на „Нетфликс“.
Причината за смртта не е соопштена.
Колегите со трогателни пораки се простуваат од него на социјалните мрежи.
Lupin стана едно од најгледаните шоуа од неанглиско говорно подрачје на популарната стриминг-платформа. Станува збор за француска ТВ-серија која раскажува за човек чиј живот е превртен како тинејџер кога неговиот татко неправедно е обвинет за кражба на ѓердан кој некогаш ѝ припаѓал на Марија Антоанета.
