fbpx

Се вљубиле и по пет месеци се венчале: Македонија спои Турчинка и Полјак (ФОТО)

Сила Екин од Турција и Миколај Зараѓи од Полска минатата година се запознале на Летната школа на Меѓународниот семинар за македонски јазик, литература и култура (МСМЈЛК) при Универзиетот „Кирил и Методиј“ во Скопје.

Се вљубиле и по пет месеци се венчале. Романтичната приказна ја обелоденија на фејсбук-страницата на Оваа МСМЈЛК, истата звучи неверојатно, па ви ја пренесуваме во целост.

Вљубеноста во македонскиот јазик и македонската култура, Сила Екин од Турција и Миколај Зараѓи од Полска, од две различни страни на Европа ги доведе крај брегот на Охридското Езеро, на 55. Летна школа на МСМЈЛК при УКИМ. Исто како и уште шеесетина други семинаристи од различни страни на светот.

Но, тие двајца почувствуваа и сфатија дека за нив, македонскиот јазик е јазикот на љубовта. И тука, крај Охридското Езеро, на македонски јазик, еден на друг си рекоа: ТЕ САКАМ!

Пет месеци потоа, дури траеше Третата зимска школа на МСМЈЛК при УКИМ, еден на друг си ветија вечност на нивната љубов.

Драги Сила и Миколај, ви посакуваме љубовта еден кон друг и среќата во заедничкиот живот, секојдневно да ви се распламтуваат. А заедно со нив и вашата заедничка љубов кон македонскиот јазик и македонската култура заради која тука, во срцето на Балканот ви се вкрстија патиштата и вашите срца започнаа забрзано да чукаат – срцето на Сила за Миколај, а срцето на Миколај за Сила, во ритамот на македонскиот 7/8 такт.

Ве очекуваме, повторно, но овојпат заедно да дојдете крај брегот на Охридското Езеро, онаму каде што првпат си подадовте рака и зачекоривте заедно по патот.

Вашата приказна е (и) убава македонска приказна. Раскажувајте ја (и) на македонски јазик!

Следни Објави

Не ја дочека свадбата на синот: Сите се простуваат од Миланчо, почивај во мир!

Тажна вест На само четири дена пред неговиот 71-ви роденден, почина Миланчо Манев, крводарител-рекордер од Штип, јави „Телевизија Стар“. Со години волонтираше во Здружението на инвалидски пензионери. Оттаму го опишуваат како исклучително хумана личност. До својата 65-година, дури 158 пати дарувал од својата крв. Веројатно да не е возрасната граница […]