Информацијата на српски „Телеграф“ дека Теа Таировиќ е уапсена во Шведска ги возбуди фановите во целиот регион, вклучувајќи ги и нејзините бројни македонски обожаватели.
Порталот објави и фотографии на кои наводно се гледа како познатата пејачка со лисици на рацете ја приведува тамошната полиција, но очигледно приказната е сосема поинаква.
Таировиќ конечно на се огласи на „Инстаграм“ и раскажа што навистина се случило.
„Го работев тоа што го правам секој викенд-пеев. Го завршив настапот и заминав на аеродром. Сега сум во Софија. Што се однесува до спорните фотографии на кои наводно имам лисици, само ќе кажам дека стоев со рацете позади грбот. Тоа го правам често бидејќи имам болки во кичмата, а покрај мене се припадници на обезбедувањето, што е нормално. Да имав лисици, не ќе можев да настапувам, ниту пак сега вака да ви се обратам“, порача таа.
Инаку, неодамна британскиот портал „Либерти гејмс“ ја објави листата со најслушаните изведувачи и песни, засебно за секоја држава од светот, на Јутјуб во последните 12 месеци, а во Македонија најслушана песна е токму нејзиниот турбофолк хит „Хајде“.
