Снимки со драматични сцени постојано се објавуваат на социјалните мрежи. Научниците со црни прогнози, се’ помалку време останува за преживеаните
Спасувачки тим од Унгарија од урнатините во Антакија извлече 18-годишно бебе.
Малата Хелен е пронајдена жива три часа по спасувањето на петгодишниот Мехмет заедно со неговата 32-годишна мајка Серап Топал кои беа лоцирани од германските и британските тимови за пребарување.
Во катастрофалниот земјотрес кој ги погоди Турција и Сирија загинаа повеќе од 16.000 луѓе, се наведува во новиот извештај. Светската здравствена организација проценува дека бројот на мртви може да порасне и до 20.000. Само во Турција се повредени повеќе од 53.000 лица.
Првите 72 часа по земјотресот се сметаат за критични за пронаоѓање на преживеани. Просечната стапка на преживување по првите 24 часа паѓа од 74% на 22% на третиот ден, пишува „Скај њуз“.