По катастрофалниот земјотрес, словенечкиот кошаркар Клемен Препелиќ одлучи да донира пари на турска хуманитарна организација, но ептен се налути поради гестот на банката, им се пожали самиот на своите следбеници на социјалните мрежи.
„Бев изненаден денеска. Кога преку хуманитарна организација испратив пари за помош во Турција, банката ми наплати 50 евра провизија. Мислам дека сите треба подеднакво да даваме поддршка во овие ситуации“, напиша кошаркарот на Валенсија.
Препелиќ е само еден од низата познати спортисти кои на овој начин ѝ помогнаа на Турција по разорните земјотреси во кои загинаа десетици илјади луѓе.
