Пејачката Светлана Цеца Ражнатовиќ денеска се појави на снимањето на уште една емисија на „Ѕвездите на Гранд“.
Таа воодушевува на секое снимање со изборот на стајлинзи, но признава дека не ѝ е воопшто лесно секогаш да биде иновативна.
„Немам повеќе инспирација! Пресметав дека до крајот на сезоната ќе ми требаат околу 130 стајлинзи само за моето реално шоу. Посебно за „Ѕвездите на Гранд“, плус за концерти, не знам како да направам, а да не се повторам. Невозможно е, а мислам дека не личи фановите да ме гледаат во идентичен аутфит на повеќе настани. Не ми е лесно“, вели Цеца.
Новинарите ја прашаа и како ќе го помине Денот на вљубените, на што слатко се насмевна.
„Немам никакви планови. За мене секој ден е љубов, но друг вид на љубов.. Јас сум жена која добива многу љубов од мојата публика, од моето семејство, љубовта ја испраќам преку моите песни, им пренесувам љубов на оние што ги сакам“, дипломатски им порача таа.