Во турскиот град Адијаман спасувачите успешно извлекоа 12-годишно момче од урнатините на зграда цели 207 часа по катастрофалниот земјотрес што го погоди овој дел од земјата на шести февруари.
Берат Јучел е извлечен од урнатините во населбата Алитас во строгиот центар на Адијаман, а жителите коментираат дека неговото спасување е вистинско чудо.
Веднаш по спасувачката акција, на момчето му била укажана потребната лекарска помош.
Спасувачките екипи не губат надеж и решително продолжуваат да ги пребаруваат урнатините на градовите уништени од земјотресот пред осум дена.
Според досегашните официјални информации, повеќе од 36 илјади луѓе загинале во разорните земјотреси што го погодија ова подрачје.
Се очекува бројките да продолжат да растат.
