Снимките се од надзорните камери на згради во Адана на кои се гледа како жителите истрчуваат на улица
На социјалните мрежи и во турските медиуми е објавено видео од моментот на земјотресот што ја погоди Турција пред повеќе од една недела.
Снимките се од надзорните камери на згради во Адана на кои се гледа како жителите истрчуваат на улица.
Како што јави агенцијата DHA, едното видео е од надзорната камера на петкатница во Адана која беше тешко погодена во земјотресот.
Се гледаат луѓе кои трчаат по скалите во страв и паника со нивните деца додека паѓа малтер од ѕидовите и делови од таванот во ходникот.
На друга снимка, пак, се гледа како мотор потпрен на ѕид паѓа по потресот.