Почина легендарната холивудска актерка и модел Ракел Велч.
Мегаѕвездата се упокои по кратко боледување на 82-годишна возраст, потврди нејзиниот менаџер.
Низ годините, повеќе магазини ја прогласуваа за една од најсексапилните ѕвезди во историјата на филмот. Меѓу нив и „Плејбој“ кој ја рангираше на третото место на листата со сто најсекси ѕвезди на дваесеттиот век.
Ракел Велч се здоби со светска слава во 60-тите години на минатиот век. Најпозната е по улогите во „Fantastic Voyage“ и „One Million Years“. Добитничка е на „Златен глобус“ за најдобра женска улога за филмот „Тројцата мускетари“ од 1974 година.
Се мажеше четири пати и има две деца.
Со години сите се интересираа за тајната на нејзината младоликост. Во едно интервју изјави дека витата линија ја одржува со безглутенска исхрана и со јога.
„Вежбам секојдневно барем по еден и пол час“, откри таа во една прилика.