Човекот кој се најде на листата на 100-те највлијателни личности во филмската индустрија, Брус Вилис (66), одлучи да стави крај на својата актерска кариера поради болеста, потврди неодамна неговото семејство.
Холивудскиот актер тешко се сеќаваше на текстовите, поточно на дијалозите, а набрзо се утврди дека Вилис боледува од афазија. Неговото семејство и бројните фанови долго време се молат да се случи чудо, но состојбата на Брус Вилис е се’ полоша.
Во соопштението објавено денеска, семејството на Вилис рече дека актерот има фронтотемпорална деменција (FTD).
„Од една страна, ова е болно да се знае, но олеснување е да се има точната дијагноза. FTD е сурова болест за која многумина од нас никогаш не слушнале, но може да удри кај секого. За жал, еден од симптомите се отежната комуникација со кој Брус исто така се соочува“, пишува семејството на славниот акционен херој од холивудските блокбастери.
Тие велат дека нема лек за оваа болест, но се надеваат дека тоа може да се промени во наредните години, мислејќи на се’ повеќето научни трудови и истражувања на оваа тема.