Успеала да се одбрани и да повика полиција
Нашали Алма, 24-годишна бодибилдерка од Тампа, Флорида, добро се снајде откако една година постар маж се обиде да ја силува во теретана, јавуваат американските медиуми.
На 22 јануари, Алма вообичаено вежбала во салата на нејзиниот станбен блок кога го забележала Ксавиер Томас-Џонс како стои пред затворената врата. Препознавајќи го и мислејќи дека можеби ги заборавил клучевите, таа го пуштила да влезе и продолжила со вежбањето.
Томас-Џонс ѝ пришол само неколку минути подоцна, а неговите ужасни намери ѝ станале јасни веднаш штом почнал да ја допира.
Неколку секунди подоцна ја соборил на подот, но храбрата девојка успеала да ја задржи присебноста, се ослободила и истрчала во блискиот стан од каде повикала полиција.
Во полициската станица Томас-Џонс признал дека сакал да ја натера да бидат интимни, па сега е во притвор под обвинение за сексуален напад, кражба и киднапирање, јавува „Фокс њуз“.