Една ситница за малку ќе ја чинеше живот
Со нова исклучителна опасност се соочи едно осумгодишно девојче кое го преживеа земјотресот во Турција, откако падна во замрзнато езеро во градот Малатја, јавуваат светските агенции.
Турската полиција објави видео од спасувањето на девојчето кое завршило во езерото откако се обидело да извлече изгубено плишано мече.
На видеото се гледа како полицаецот ја извлекува од водата, додека членовите на нејзиното семејство нестрпливо чекаат покрај езерото. Малото девојче подоцна добива ново плишано мече, како замена за играчката која за малку ќе ја чинеше живот.
„Нашата нуркачка полиција спаси дете кое падна во замрзнато езерце додека се обидуваше да си ја земе играчката“, напиша на „Твитер“ турската полиција.
