Очувот М.Н од Власотинце кој е уапсен под сомнение дека до смрт ја претепал својата двегодишна поќерка во стан во Зајечар, на почетокот не кажувал ништо и не одговарал на прашања од полицијата, неофицијално дознава „Курир“.
„Тој и неговата невенчана сопруга ќе бидат сослушани во наредните 48 часа колку што им е одреден притворот. За време на апсењето, мајката на девојчето ужасно плачела додека очувот молчел. Во полиција постојано го прашувале: „Зошто го направи тоа човеку?!“ Дури по долго молчење, само тивко одговорил: „Плачеше. Секогаш се нервирав кога плачеше. Не ја тепав многу“, дознава Курир од извор близок до истрагата.
Мајката се терети дека знаела за тепањето и дека гледала како невенчаниот сопруг во повеќе наврати ја удира нејзината ќерка. За жал, таа никогаш не го пријавила насилството.
И мајката и очувот се во притвор. Истрагата е во тек, сослушани се и соседите и роднините..
Инаку, кога го донеле девојчето во Детското одделение во Заечарската болница, лекарите веднаш увиделе дека се работи за тешки повреди. Тие се обиделе да го реанимираат девојчето и истовремено повикале брза помош за детето итно да се пренесе во Ниш. За жал, немало потреба од тоа.
