Сестрите Шони (26) и Шавана (21) од Единбург починале во иста недела, а нивното семејство одлучи да ги погреба заедно. Мајката на две деца Шони починала ненадејно на 26 февруари, додека нејзината сестра Шавана само неколку дена подоцна.
Нивните пријатели се скршени од болка и велат дека тоа е најтешкото нешто низ кое може да помине едно семејство.
Шавана неодамна на „Фејсбук“ напишала дека ѝ е тешко по смртта на сестра и и дека се бори со огромна тага.
„Го поминувам најтешкиот период во животот. Ми недостига мојата „близначка““, напишала таа, пренесува „Мирор“.
Сите биле изненадени од веста дека и таа, за жал, починала. Пријателите на социјалните мрежи се простуваат од двете сестри.
„Пред себе го имаа целиот живот. Животот понекогаш е толку неправеден. Сега повторно сте заедно“, стои во објавата.
Полицијата претходно соопшти дека Шони била пронајдена мртва во стан во Единбург. Истрагата за нејзината смрт се’ уште е во тек.
