Веќе десет дена нема ниту трага, ниту глас од Самоил Костадиновски, 26-годишниот внук на лидерот на Обединети за Македонија, Љубе Бошкоски.
Конечно во јавноста се огласи семејството на момчето. Тие се сомневаат дека тој е киднапиран.
Неговата сопруга застана пред камерата на „Канал 5“ и со силни емоции посведочи за немилиот настан.
Низ солзи вели дека се моли да го пронајдат жив и дека живее во страв како ќе ги расте децата без татко. Таа е бремена, а со Самоил веќе имаат и тригодишно дете.
„Ме загрижува неажурноста на надлежните да се пронајде мојот сопруг“, вели сопругата на Самоил која нагласува дека не знаела за никакви проблеми на нејзиниот животен сопатник и апелира доколку некој има било каква информација за него директно да ѝ се обрати.
„Се молиме само да е жив“, низ солзи порачува таа.
Раскажува дека ниту пиел, ниту користел дрога. Бил спортист кој освојувал награди. За причината за киднапирањето немаат информација, но таткото на Самоил изјави сомнеж дека во прашање се пари.
ПРОЧИТАЈ И ОВА: Последните зборови на Самоил пред да исчезне
Полицијата веќе уапси две лица кои се осомничени дека извршиле дејствија на кривично дело-Грабнување од член 141 став 1 во врска со член 22 од Кривичниот законик. Осомничените се на возраст од 25 и 30 години.