Актерот Пол Грант почина на 57-годишна возраст, пишува „The Sun“.
Тажната вест ја потврди неговото семејство, а според информациите, актерот во неделата бил симнат од апарати кои го одржувале во живот.
Грант бил хоспитализиран во четвртокот кога полицијата го пронашла онесвестен пред станицата Кингс Крос, најверојатно од мозочен удар.
„Уништена сум“, едвај изговори два збора неговата ќерка за истиот медиум.
Грант зад себе остави сопруга и три деца.
Публиката најмногу го памети по улогите во големите филмски хитови „Војна на ѕвездите“ и „Хари Потер“.
