Пред нешто повеќе од две години, Ниви Перлет (11) ненадејно почина откако се сруши во училишното игралиште во Оксфордшир.
По пристигнувањето на местото на трагедијата, Брзата помош констатирала дека Ниви има неоперабилна аневризма (проширување на крвните садови) и била ставена во вештачка кома од која, за жал, никогаш не се разбудила.
Страшната трагедија се случи во март 2021 година. Девојчето почина во болница еден ден по немилиот настан. Сега, две години по нејзината смрт, нејзините родители открија дека сè уште одат во нејзината стара соба и дека „разговараат со неа секој ден“, пренесува „Мирор“.
„Ја држиме вратата отворена и секој ден влегуваме да разговараме со неа. Кога ќе ви се случи нешто вакво трауматично, се чувствувате како речиси да живеете во балон и концептот за време комплетно е променет. Не ми се верува дека поминаа две години и дека некако ги преживеавме“, вели мајката на девојчето.
