Главна вест утрово не само на регионалните портали, туку и во светските медиуи е Коста Кецмановиќ, 14-годишното момче кое уби најмалку девет лица во училиштето „Владислав Рибникар“ во центарот на Белград.
Коста бил одличен ученик, одел на натпревари по математика и биологија и добивал бројни награди и пофалби. Важел за еден од најталентираните ученици во училиштето каде го изврши масакрот. Бил син на познат радиолог.
Неговите школски другари за него велат дека секогаш бил мирен и повлечен и дека никогаш не правел проблеми. Напротив, се истакнувал по примерното однесување.
Коста утрово пукал со два пиштоли. Имал пет полни рамки и ранец со молотови коктели, пишува „Информер“.
По масакрот е уапсен, а дел од медиумите во Србија пренесуваат дека наводно на полицајците им порачал дека е психопат. Се’ уште не е познат мотивот за злосторството.
