Најголемиот христијански празник од пролетниот циклус којшто е непроменлив и секогаш се паѓа на 6-ти мај по новиот календар. Го празнува не само христијанското, туку и целото население воопшто.
Има голема традиција во словенските земји, меѓу кои и нашата, што значи дека неговата основа е празнувањето на природата, на будењето на вегетацијата и на животот воопшто.
Ѓурѓовден е празник врзан за најголем број обичаи што постојат во народното верување. Овој светец се смета за граница меѓу зимата и летото, празник врзан за здравјето на домашните, женачката, плодноста на стоката и добрите посеви.
Главен обичај е плетење венец од билки, миење со цвеќиња и капење во река. Венецот сплетен од цвеќиња треба да се стави на влезната врата во куќата и тоа значи дека домот и годината ќе бидат богати.
Наутро со билките и со цвеќињата што домаќинката претходно ги потопила во вода, прво се мијат децата за да бидат здрави како дрен.
Се верува дека на Ѓурѓовден не треба да се спие, бидејќи главата може да ве боли преку целата година.
*Текстот не смее да биде превземан без дозвола на редакцијата на МАСТИЛО.