Допрва ќе се истражува мотивот на новиот масовен убиец во Србија кој синоќа уби осум и рани 13 лица.
Урош Б. (21) е совладан во селото Грошница близу Крагуевац, соопшти министерството за внатрешни работи, а во моментот на апсењето носел маица со нацистички симболи.
На социјалните мрежи се појавија детали од профилите на убиецот кои предизвикаа загриженост кај јавноста во целиот регион.
Само ден по пукањето во основно училиште во Белград, кога 13-годишник уби осум деца и еден чувар, во Србија се случи нов масакр.
Осомничениот прво пукал во селото Дубона, каде што убил полицаец и негова сестра, а потоа го продолжил својот поход во соседните села Мало Орашје и Шепшин. Жртвите на пукањето се на возраст од 15 до 25 години. Ранети се 14 лица, од кои две се во критична состојба.
