По тешко боледување почина Ѓура Ѓалинац, поранешен учесник во шоуто „Никогаш не е доцна“.
Пред неколку месеци му беше дијагностициран рак на стомачното ткиво, а по неколку хемотерапии и третмани нагло му се влоши здравствената состојба.
Иако неговите сограѓани, семејството и пријателите ги здружија силите и иницираа донациска линија за да се соберат средства за негово лекување во Турција, Ѓура не издржа и го напушти овој свет.
На социјалните мрежи се споделуваат трогателни посвети.
„Не’ напушти нашиот другар и брат. Замина на подобро место. Немам зборови со кои можам да ја изразам мојата тага и болка. Искрено сочувство до семејството и децата“, напиша поранешниот учесник во истото шоу, Амел Кардашевиќ Аки, објавувајќи нивна заедничка слика.
Ѓура се прослави во популарното регионално шоу, а публиката ја „купи“ со својата неверојатна енергичност. Неговите четири деца и сопругата му беа најголема поддршка за време на натпреварувањето.
Дури и кога дозна дека боледува од рак, тој не ја изгуби волјата за живот.
„Лекарите велат дека ракот на абдоминалното ткиво е тешко да се дијагностицира, дека се’ уште е неистражен до крај, но со помош на терапија сега се подобрува. Упорен сум, ги слушам докторите и засега добро поднесувам се’. Порано од болки не можев да се движам, ниту да спијам, сега фала богу тоа чувство го немам. Се борам и ќе се борам додека можам“, неодамна изјави тој.