Јапонците веруваат дека крвната група има големо влијание на нечиј карактер и способност.
Оваа теорија ја поставил Масахико Номија, во своето истражување уште во 1970 година.
Крвна група А
Луѓето со оваа крвна група ги пуштаат другите пред себеси, знаат да сослушаат што другите луѓе им кажуваат и се одлични пријатели. Овие луѓе сакаат ред, дисциплина и стабилност. Многу се вредни, но и емотивни. Знаат да работат во тим, домот и семејството им се многу важни. Со текот на времето кај нив може да се развие анксиозност и депресија. Тие се добри писатели, правници и економисти. Во љубовта најмногу си одговараат со луѓе од крвната група А и АБ.
Крвна група Б
Имаат високо развиена имагинација. Големи ентузијасти, заинтересирани за многу работи во разни области. Сакаат да го споделат своето знаење со други луѓе. Доста се интуитивни. Тие се добри психијатри, детективи и новинари. Во љубовта најмногу си одговараат со партнери од крвните групи А и АБ.
Крвна група АБ
Овие луѓе се ретки и се чини дека собрале некои квалитети својствени за луѓе од другите крвни групи. Имаат одлични организациски вештини, внимателни се, одговорни и искрени. Луѓето со оваа крвна група се добри во професии како што се односи со јавноста, менаџерски позиции и професии во образованието. Во љубовта одлично се снаоѓаат со сите групи.
Крвна група 0
Овие луѓе имаат високо развиени лидерски вештини. Добри се како сметководители, политичари и терапевти. Од друга страна, пак, се стремат да бидат искрени и фер во секоја ситуација. Тие се во состојба да ги ограничат своите емоции.
RH фактор – негативен
Секоја крвна група се дели на две подгрупи во зависно од тоа дали Rh факторот е позитивен или негативен. Се смета дека овие луѓе имаат повисок коефицент на интелигенција од просечниот, но и почесто од другите луѓе развиваат необјасниви фобии. Од оние со позитивен RH се почувствителни на температурна промена.
*Текстот не смее да биде превземан без дозвола на редакцијата на МАСТИЛО.
