Сакав слава и ја добив. Сега во пензија уживам далеку од дома и ми годи анонимноста
Кралицата на рокенролот, неповторливата Тина Тарнер, своето последно интервју го даде за „Гардијан“. Во истото првпат без заддршка зборуваше за своите стравови, а откри и досега непознати детали за нејзиниот живот и кариера. Одговараше на брзи прашања, а ова беа нејзините одговори.
Кој е Вашиот најголем страв?
-Никогаш не сакам да се вратам. Толку многу се борев низ животот што само треба да одам напред.
Кое е Вашето најрано сеќавање?
-Играње на моето омилено дрво. Бев како момче и секогаш ја кинев облеката, а косата секогаш ми беше заплеткана.
Која Ваша особина најмногу ја осудувате?
-Не се осудувам себеси, но јас сум перфекционист.
Што најмногу презирате кај другите?
-Тоа што луѓето премногу пати се обидуваа да донесуваат одлуки наместо мене. Претпоставките дека тоа ми е потребно беше голема грешка.
Опишете се себеси со три збора!
-Искрена, весела, забавна.
Која е Вашата супермоќ?
-Можеби сите оние солистички концерти што ги имав на високи потпетици од 15 сантиметри.
Од што сте незадоволни?
-Прерано изгубив блиски луѓе.
Што најмалку ви се допаѓа во Вашиот изглед?
-Ништо. Жените се принудени внимателно да се погледнат себеси и да бидат критични кон себе. Мажите не се.
Кога би можеле да бирате, која актерка би ве играла на големото платно?
-Анџела Басет веќе го направи тоа. И беше одлична.
Која е вашата најнепривлечна навика?
-Гледање хорор филмови одново и одново.
Што Ве плаши кај стареењето?
-Ништо. Ова е животна авантура и јас ја прифаќам како таква и го прифаќам секој ден со се’ што носи.
Која е Вашата славна симпатија?
-Отсекогаш сум бил вљубена во Мик Џегер. Ми се допадна кога бевме на турнеја со Ролинг Стоунс.
Да не бевте вие, која личност најмногу би сакале да бидете?
-Опра.
Кога последен пат сте се премислиле за нешто значајно?
-Кога ги запознав моите продуценти, им кажав дека не сакам да се снима мјузикл за мене. Се предомислив и дефинитивно тоа беше вистинската одлука!
Како би сакале да Ве паметат?
-Како кралица на рокенролот. Како жена која им покажала на другите жени дека е во ред да се стремите кон успех според ваши услови.
Кока е Вашата најголема тајна?
-Го сакам Мекдоналдс. По премиерата на мојот мјузикл во Лондон, го натерав Ервин да скршне од патот кога се враќавме во нашиот хотел.
