Светлана Ражнатовиќ-Цеца на својот инстаграм-профил објави серија снимки од периодот кога се роди нејзиното прво внуче Жељко, постариот син на Вељко Ражнатовиќ.
Таа всушност објави неколку видеа на стори на нејзиниот профил направени од администраторите на нејзината фан-група, за да му го честита третиот роденден на внукот.
Речиси во секое видео, фановите ја вметнаа и извиканата снимка на Цеца со нејзината ќерка Анастасија кога позираат насмеани и најавуваат дека нивната снаа Богдана се породила.
Токму овој дел од видеото го привлече вниманието на многумина, бидејќи Анастасија моментално поминува низ исклучително тежок период откако го загуби нејзиното прво бебе.
Да потсетиме, Анастасија и нејзиниот избраник, фудбалерот Немања Гудељ, неодамна со јавноста ја споделија тажната вест за загубата на нивното дете. Од тој момент, младата пејачка целосно се повлече од социјалните мрежи и од јавноста, а како што објавија медиумите, пред два дена се вратила од Шпанија во Србија, бидејќи сакала да биде блиску до семејството во овие тешки моменти.
