Ловоров лист е зачин кој се користи со векови во кујната, но и во служба на здравјето како природен лек. Но, дали сте знаеле дека тој може да има магично својство?
Според старите верувања, ловоровиот лист е еден вид талисман или амајлија, и се верува дека ако го носите во паричникот или го ставите под вратата, ќе привлечете богатство и пари.
Исто така, постои верување дека палењето ловоров лист е средство за чистење на енергијата во домот, како и за одредување дали сте преплавени со позитивна или со негативна енергија.
Друг стар ритуал е да напишете желба на ловоров лист. Се верува дека за време на млада или полна месечина, треба да се напише желба на ловоров лист, а потоа да се фрли во оган за да изгори. Неопходно е да се верува дека желбата може да се исполни.
Фенг шуи, стара кинеска техника за уредување на домот и привлекување позитивна енергија, исто така, може да се примени на паричникот. Се верува дека ако носите сметки, картички, стуткани пари и непотребни работи во нив, тогаш привлекувате лоша енергија и неповолна финансиска состојба.
Од друга страна, пак, постојат предмети што е пожелно да ги носите во вашиот паричник во секое време, бидејќи се верува дека тие шират позитивна енергија и привлекуваат пари.
