Можеби не го знаете по име актерот Предраг Прежа Милинковиќ (1933-1998), но сигурно се сеќавате на неговиот лик
Тој е веројатно најпознатиот епизоден актер од овие простори, кој повеќе од 35 години играше батлери, чевлари, слаткари, психолози, месари и многу други професии во вашите омилени филмови и серии.
Малкумина знаат дека Прежа всушност никогаш не студирал глума. Дипломирал на Филозофскиот факултет, но бил голем филмофил. „Зборуваше четири странски јазици“, откриваат оние што го познаваа.
Прежа Милинковиќ е забележан во историјата на кинематографијата како најпознатиот југословенски филмски епизоден актер. Тивок господин чие лице едноставно е невозможно да се заборави колку и да е мала улогата.
Со Бата Живојиновиќ
Тој беше познат и по прекарот Дезмонд поради неговата неверојатна физичка сличност со истоимениот батлер од класичниот криминалистички стрип „Рип Кирби“ од Алекс Рејмонд (кого го отелотвори во екранизацијата на овој стрип), а некои го знаеја и по прекарот „Ел Кабаљеро“, бидејќи некогаш бил одличен фламенко играч.
Во една прилика, на прашањето дали некогаш одбил улога во кариерата, Милинковиќ одговори: „Не сум, не е во мојата природа. Сакам филмови и глума и не верувам дека некогаш ќе одбијам улога“.
Тој се претставуваше како светски патник. Играше и во два интернационални филмски проекти со крими-содржина. Во едниот го глумеше главниот гангстер.
Милиновиќ почина во 1998 година на 64-годишна возраст. Една година претходно ја објави книгата „Средби“ во која ги опиша средбите со луѓето кои му станале особено интересни во текот на работата на филмското платно. Таму пишуваше за тоа како пиел со Роберт де Ниро во Русија и за средбата со славниот режисер Микеланџело Антониони.
Велат дека последните месеци од животот имал огромни финансиски проблеми и дека починал без скршен денар.
