Познатата новинарка Душица Мрѓа во искрен муабет за „Женски магазин“ проговори за приватниот живот.
Заштитното лице на ТВ 24 откри интересни моменти за сопругот и за семејството.
„Мојот сопруг доаѓа од „нормалниот” свет, не е јавна личност, нема допир со мојот начин на живот, но за овие 10 години колку што сме заедно ми е огромна поддршка“, раскажува Мрѓа за „Женски магазин“.
Вели дека сестра ѝ ѝ е втората половина од нејзиното цело, но и дека внукот Нејтан ѝ е најголема љубов и дека нема нешто што не би направила за него.
„Во мојот ден мора да има време за долгометражни разговори на релација Скопје-Лондон, кадешто живее мојата сестра со семејството, за сите училишни и „љубовни” поблеми на мојот седумгодишен внук, за моите родители. Се наоѓа време и за пијачка со пријателите, за „дебата” со мојата „Манда банда”. И секако доцен ручек и заедничко време со сопругот, да си го раскажеме денот“, вели Мрѓа.
