Битолчани на социјалните мрежи се простуваат од македонската државјанка која вчера загина во сообраќајната несреќа што се случина автопатот Егнатиа во правец кон Солун.
Станува збор за 29-годишна девојка.
„Душичка златна, зошто мораше вака да биде, во најубавите години. Почивај во мир“, е еден од многуте коментари под фотографијата со неа која ја објавија администраторите на фејсбук-страната Бабам Битола.
Повредени се и три сопатнички. Двете потешко повредени се родени 2000 година, а онаа која поминала со полесни повреди е една година постара. Сите се хоспитализирани и соодветно згрижени.
Од снимките кои протекоа во медиумите може да се заклуќи жестината на ударот по кој возилото буквално е смачкано, а при извлекувањето на жртвата и на повредените морале да интервенираат противпожарни екипи.
На другиот автомобил, кој учествувал во сообраќајната несреќа, му го нема речиси целиот преден дел.
Се’ уште се утврдуваат причините за несреќата.
