Овој период од годината топ-тема на социјалните мрежи очекувано се цените во познатите грчки летувалишта кои важат за омилени на македонските граѓани.
Една туристичка агенција одлучи да праша случајни минувачи на улица колку пари им се потребни за едно просечно седумдневно летување во Грција, па доби навистина интересни и неочекувани одговори.
„Би рекла најмалку 2.000 евра“, вели една жена.
Друга, пак, коментира дека себе си не се смета за репер признавајќи дека разумното трошење не ѝ е силна страна.
„Би ми требале од 800 до 1.000 евра, но за нормални луѓе сигурно помалку“, вели таа.
Луѓето кои го погледнаа видеото се со различни реакции, но повеќето констатираа дека овие жени или никогаш не летувале во Грција или едноставно се навикнати да се фалат.