На 20-ти јули во родниот Охрид, Ѓоко Танески со целовечерен концерт ќе го одбележи јубилејот-30 години музичка кариера.
Настанот е насловен „Најдоброто од Ѓоко Танески“. Пејачот на сцена ќе биде придружуван од Камерниот оркестар од Битола, а како специјални гости се најавени Драган Мијалковски и Николче Мицевски.
Танески низ годините остави многу хитови, не’ претставуваше и на евровизискиот избор, секогаш е расположен за интервјуа, но ретко зборува за семејството.
Тој е сопруг и татко, а сега за порталот „Женски магазин“ конечно проговори за своите наследнички.
„Двете ќерки се многу музикални и убаво пејат. Помладата Михаела, која има 12, свири клавир и планира да се запише во средно музичко училиште. Постарата Анастасија е четири години постара. Таа сака да студира стоматологија“, открива Танески.
