На 35-годишна возраст почина бразилскиот пејач Ајрес Сасаки. Трагедијата се случила за време на негов концерт во градот Салинополис, пренесува магазинот „Пипл“.
Имено, за време на настапот, на Ејрес му пришол обожавател и го прегрнал. Комбинацијата од мокра облека на навивач и електричен кабел во близина резултирала со фатален струен удар, а музичарот починал на лице место.
Засега не е познато зошто фанот се појавил во мокра облека, а полицијата во Салинополис го истражува инцидентот.
Се огласија и од хотелот во кој се одржа концертот.
„Ги преземаме сите неопходни мерки, соработуваме со надлежните служби за соодветно расветлување на настанот“, велат оттаму.
Проговори и семејството на пејачот.
„Контактираме со луѓето кои беа со него во тој момент за да дознаеме што се случило. Сите информации ќе ги дадеме во изјава што ќе ја испратиме до печатот“, изјавила тетката на Ајрес, Рита Матос, за странските медиуми.
Ајрес беше пејач, архитект и урбанист. По неговата трагична смрт, пријателите му оддадоа почит на Инстаграм.
„Тој секогаш беше прекрасна личност, сите го сакавме. Исклучителна личност, пристојна, голем професионалец“, напишаа тие.
Позади себе ја остави сопругата Маријана со која беше во брак 11 месеци. Таа преку Инстаграм им се заблагодари на сите за поддршката во тешките моменти.
„Би сакала да ви се заблагодарам за секоја порака на љубов и утеха, за секоја молитва во ова тешко време низ кое поминуваме. Сè уште не сум успеал да ги прочитам сите пораки, но ќе одговорам на секоја. Ви благодарам“, напиша таа.
