Веќе трета година живее во Гевгелија и единствена врска со Чаир му е берберот кој е таму и го пострижува еднаш месечно.
Владо Јаневски доаѓа во Скопје само кога има концерти, снимања, интервјуа или други работни обврски и, како што вели, дури и тогаш најчесто не останува подолго одошто мора.
„Си го сакам Скопје, ама и во Гевгелија ми е убаво. Не познавам многу луѓе, најчесто сум сам и сум или дома или во „Фламинго“ кој ми е како втор дом. Таму сите ме третираат како да сум нивни отсекогаш, и тоа многу ми значи. Иако живеам на самата граница, не одам во Грција. Живеам мирно и спокојно“, раскажува легендарниот македонски пејач и автор за „Женски магазин“.
Во деновите кога не работи, а се пофали дека такви се околу 300 во годината, секојдневијата му се најчесто исти-тренинг во теретаната, еден-два филмови, добра книга, ја истражува околината на Гевгелија, а навечер малку клавир и гласовни вежби..
Продаде сè што имаше: Прва исповед на Владо Јаневски за големата животна одлука
„Уживам во таквото бавно животно темпо, иако некому може изгледа досадно. Ама јас сум среќен“, вели Јаневски.
