Таа е едно од имилените телевизиски лица, поранешен модел и убавица со титули. Цели 18 години е дел од тимот на утринската програма „Ја сакам Македонија“ на телевизија Сител, жена со преопознатлив стил и јавна личност која многу претпазливо зборува за приватниот живот.
Кога лани ја прашаа во едно интервју за љубовниот статус, Јована Стојменовиќ одговори дека ѝ е непроменето добар. „А, она што е добро, не се менува“, се пошегува тогаш таа.
Водителката сега одлучи конечно да го покаже саканиот и доби над илјада лајкови на социјалните мрежи. Оние што ја следат веднаш ѝ испорачаа компименти, а водителката и инфлуенсерка Лила Филиповска која е и нејзина блиска пријателка кратко прокоментара: „Љубовчиња мои“.
„Она што искрено го почитувам е одлуката на еден пар да живее онака како што ним им одговара. Сите имаме некоја своја визија за партнерство и таа не треба да се темели на она што ќе го каже некој од страна, туку на она што човек го чувствува. Гаранции нема за ништо. А она што е сигурно е дека човекот има исконска потреба да сака и да биде сакан. И да, постои вечна љубов. Кој може да ви забрани да сакате некого засекогаш?“, изјави Стојменовиќ неодамна.
