Пејачката Ленче Кукиќ го запознала својот сопруг Горан кога имала само 15 години, а нивната љубов и понатаму е силна како првиот ден.
Поранешната победничка на „Никогаш не е доцна“ неодамна за „Гранд“ отворено проговори за својот приватен живот и го откри рецептот за успешен брак.
„Првите години се малку чудни, додека не се навикнеш. Откако ќе го избалансирате сето тоа, потоа заеднички се радувате и уживате. Првите години се мачни, но потоа балансираш, карактер, го запознаваш, тој те запознава тебе, и тоа е тоа“, изјави македонската пејачка.
Ленче и Горан веќе две децении заедно настапуваат со бендот „Јупитер“. Во музичкиот свет веќе сигурно чекори и нивниот син Иван, кој последниве години редовно настапува со нашиот легендарен музичар Влатко Стефановски, а во меѓувреме објави и свои соло-проекти.
