На 21-годишната Јулијана Паскарели (21) од Вирџинија ѝ се променил животот за неколку часа откако забележала мали црвени точки по целото тело во април 2022 година. Прво не била загрижена, но за само 15 минути ситуацијата драматично се влошила.
„Ми стана мачно и почна да ми се врти. Станав екстремно бледа“, објаснува оваа студентка, пренесува Метро.
Исто така добила модринки по целото тело. Јулијана итно била пренесена во болница, а неколку часа подоцна ѝ била дијагностицирана идиопатска тромбоцитопенична пурпура (ITP) – нарушување на крвта кое е исклучително ретко.
Лекарите ѝ рекле дека е на неколку минути од смртта и дека итна трансфузија на тромбоцити е се’ што може да ја спаси. Во случајот на Јулијана, нејзината дијагноза можела да има фатални последици.
„Знаењето дека мозок може да ми искрвари во секој момент, навистина ми даде нова перспектива на животот“, објаснува младата жена.
ITP е ретко нарушување на крвта кое погодува 200.000 луѓе, обично на возраст над 60 години.
Болеста предизвикува внатрешно крварење поради ниски тромбоцити и затоа почнуваат да се појавуваат модринки.
Јулијана сега живее во „постојан страв“ дека болеста нема да ѝ се врати повторно.
По дијагнозата, таа вели дека нејзиниот поглед на животот целосно се променил.
„Како млада жена влегувајќи во моите дваесетти, сфатив дека животот не е загарантиран и дека морам да го искористам максимумот од она што ми го дава универзумот. Морам да се грижам за моето тело и да се грижам за себе како и за другите. Ова искуство ми го промени животот и иако беше едно од најлошите, мило ми е што имам дијагноза. Можам да бидам подготвена за идните епизоди и да им помогнам на другите да ја разберат состојбата за која претходно не знаев ништо“, порачува таа.
