Порасна без родители, пред три години проговори за болеста, а сега конечно е среќна
Македонска новинарка и водителка Цветанка Николова ужива во убавините на Турција со нејзиното момче кое очигледно е и нејзина најголема поддршка.
Двојката е на годишен одмор во Анталија, а фотографиите кои популарната Цеце ги сподели на „Инстаграм“ доволно зборуваат за нивната љубов.
Николова која стана заштитно лице на телевизијата Канал 5 има тешка животна приказна. После сите неубави работи со кои се соочи од најмала возраст, сега конечно заслужено ужива во животот.
Пред три години Цеце ја симна периката и призна дека откако знае за себе живее со алопеција.
Таа порасна во СОС „Детско село“.
„Сè што ми се случило, на крајот е за добро. Мајка Наташа од „Детско село” е мојата мајка, без разлика што моите родители се живи, секогаш ја споменувам неа. Таа е во тек со сè што ми се случува. Таа ми е голема поддршка во сè што правам. Постојано одам во „Детско село” и секогаш сакам да ги запознавам новите деца што доаѓаат во куќата каде што јас пораснав“, раскажа Николова во една прилика.
