Не стивнуваат реакциите во целиот регион по смртта на легендарниот српски пејач, музичар и автор Бора Ѓорѓевиќ.
Фронтменот на „Рибља чорба“ почина на 71-годишна возраст, а познати личности од сите поранешни ју-републики денеска постојано пишуваат посвети за славниот Бора Чорба.
Сега се огласи и Здравко Чолиќ кој откри и голема тајна поврзана со нив двајца.
„Бора. Нашиот добар Бора. Голем уметник кој замина прерано. Работевме и се дружевме над 45 години. Првата песна што ја направи за мене беше „Продужи даље“ и се сеќавам дека тоа беше всушност првата песна што ја направи за некој друг, а да не е за неговиот бенд. Што да се каже за неговите текстови, за неговите песни. Уметнички дела. Уметнички дела кои секогаш ќе не’ потсетуваат на големиот Бора. Ти благодарам за сè! Секогаш ќе бидеш во нашите срца“, напиша Чолиќ на „Инстаграм“.
Пејачот сподели и нивна заедничка фотографија од младоста на која се прегрнати и насмеани.
