На 78-годишна возраст почина легендарната македонска актерка Снежана Стамеска.
Тажната вест ја потврдија од Драмски тетар-Скопје, нејзината долгогодишна матична куќа.
Стамеска беше препознатлива по неверојатната трансформативна моќ. Подеднакво беше маестрална и на театарската сцена и на големото платно. Одигра и многу впечатливи ТВ-улоги.
Беше актерка со специфична креативност, професионалност и автентичност, која се препознава по нејзината оригиналност и посветеност на театарот до максимум.
Стамеска дипломирала на Театарската академија во Белград (1970) и веднаш се вработила во Драмски театар во Скопје.
