Во среда на 18 септември естрадниот новинар Зоран Василевски конечно ќе се оперира во една од приватните скопски болници.
Неговиот близок соработник и другар, јутјуберот Стефан Лазаров, денеска повторно се огласи на социјалните мрежи.
„Можам да ве израдувам дека конечно Зоки ќе оди на операција! За жал, му е кажано дека го очекува доста ризична операција која ќе трае неколку часа. Зоки, знам каков борец си и знам дека ќе издржиш и победиш. Те сака помалиот брат и те чека да се вратиш на местото каде што ги поминавме најубавите моменти годинава“, напиша Лазаров.
Пред една недела Василевски се врати од Турција каде правеше низа испитувања кои, како што откри Лазаров, за три дена чинеле околу 7.000 евра. Истите покажале дека туморот е над 30 cm и дека има метастази во почетна фаза.
Популарниот Зоки Фаци кој пред два месеца почна со хемотерапии и видно ослабна, неодамна изјави дека е трогнат од масовната поддршка која ја доби од македонските граѓани откако Лазаров објави апел за донации.
