Жртвите биле пријатели
Тургај Ризванче, сопственик на синџир аптеки и Бекир Хоп, сопственик на сервис за часовници во Гостивар, се двете жртви во трагичната несреќа што се случи синоќа на автопатот Гостивар – Кичево, објави порталот „Гостивар Сот“.
Бекир починал на лице место, а Тургај им подлегнал на повредите во гостиварската болница.
Во СПБ Тетово синоќа во 21:20 часот било пријавено дека на магистралниот пат Гостивар-Кичево се случила сообраќајна незгода помеѓу патничко возило „БМВ“ со регистерски ознаки на Демир Капија управувано од Б.Х. (54) од Гостивар и камион трактор „Сканија“ со косовски регистарски ознаки, управуван од А.Т.(60) од Косово.
Возачот на камионот кој се здобил со телесни повреди е косовски државјанин со иницијали А.Т.
Насловна фотографија: Гостивар Сот
