По 16 години брак спогодбено се разведоа Јелена Карлеуша и Душко Тошиќ.
Прва на „Инстаграм“ се огласи пејачката објавувајќи и фотографија на која се таа, нејзиниот адвокат и овластениот адвокат на нејзиниот досегашен сопруг.
Во нејзиното обраќање Карлеуша нагласи дека сиот заеднички имот стекнат во брак ќе се води на нивните две ќерки Атина и Ника, а тоа сега го потврди и Тошиќ. Неговиот допис ви го пренесуваме интегрално.
„Почитувани медиуми и пријатели,
По 16 години брак се разведов спогодбено се разведов од мајката на моите деца Јелена. Спогодбата е составена заемно и на задоволство на сите, а најмногу се однесуваше на иднината на нашите деца, што нам ни е најважно.
Се договоривме целиот наш заеднички недвижен имот да им припадне на нашите ќерки Ники и Атина. Исто така, секоја моја обврска како татко и машка фигура се подразбира. За мене најважна ставка беше да можам да поминувам време со нашите деца кога ќе посакам и кога и да имам можност.
НА ИСТАТА ТЕМА: Првиот брак ѝ траеше шест месеци, тој што најмногу го сакаше го убија: Сите мажи на Јелена Карлеуша (ФОТО)
Што се однесува до односот помеѓу мене и Јелена, нормално е кога ќе се случи развод да има гнев и искри, но се надевам дека и тоа еден ден ќе престане. Мислам дека Јелена е добра мајка и добар пријател и би сакал да останеме пријатели и да имаме добар однос заради нашите деца. На Јелена ѝ посакувам сè најдобро и секогаш ќе бидам тука за мајката на моите деца како и за моите деца. Сите грди работи треба да се останат зад нас и само нашите деца да бидат центарот на нашиот свет како што се.
Голем поздрав, Душко.“
