Диетата со липосукција е режим на исхрана со кој бројни познати личности на Балканот засекогаш ги решија проблемите со килограмите, па сега е повторно хит-диета која масовно се споделува на социјалните мрежи.
Благодарение на нејзе лани и нашата поп-дива Калиопи успеа да симне неверојатни десет килограми за само 17 дена.
„Како и секој што ослабе, и јас моментално се откажав од слатките, од лебот и млечните производи.. Успевам да им одолеам на искушенијата, а откажувањето не ми е тешко, бидејќи одлуката што ја донесов е поважна од сите можни специјалитети. Навиките поврзани со исхраната кои ги стекнав додека слабеев сега се мојот нов начин на живот“, изјави во една прилика Калиопи.
Таа во своите интервјуа често нагласува дека е голем гурман, дека подеднакво сака и да готви и да јаде, но дека во име на здравјето и убавиот изглед понекогаш е добро да се биде умерен.
