Почина Павел Каралиев-Патка, познат градски лик, урбана легенда која остави голема трага во живеењето во Охрид, информира порталот „Охрид њуз“.
Каралиев повеќе од три дeцении успешно водеше и беше сопственик на познати кафулиња и ноќни клубови во градот како „Леа“, „Леб и сол“, „Duck“.
Енис Хилми емотивно се прости од својот пријател. Пораката ви ја пренесуваме во целост.
Нека целиот ‘џез и блуз’ на овој свет бидат со тебе на патот кон ѕвездите. И “rock&roll-от”, of course.
Ти благодариме за сите убавини, најсуптилните хармонии и за трагата што ја остави во срцата на многу генерации.
Еве само пред неколку дена запознавам еден “београѓанец” во Берлин. Ми вели: Само заради ‘Duck’ сакав да доаѓам во Охрид.
И ајде сега направи го и таму горе најдобриот клуб, како што само ти знаеш и умееш.
И дочекај не со најшармантната насмевка, со секогаш до срж вистинските муабети и еве може и со ‘Lascaiatemi Cantare’!
И со еден ‘Јаmesson’ со една коцка мраз.
Довидување, пријателе!
Енис.
