Три месеци поминаа од трагедијата кога на приватна забава во Радишани каде Љупчо пушташе музика, тој почина од струен удар
Комуницирале со мртвиот син. Вака родителите ги објаснуваат последните пораки разменети со починатиот Љупчо Лешко.
Неговиот татко раскажува дека официјалното време на повик на брзата помош била 23:19 минути, а дека Љупчо со мајка си на телефон комуницирал до 00:13 часот.
„Лајк, океј, seen, seen.. цело време тоа.. А, на Љупчо му беше затворен телефонот, шифриран. Јас контактирав фактички со мојот мртов син“, открива мајката на Љупчо.
Посочуваат дека добиле изјави дека имало снимки од моментот кога Љупчо го удрила струја на објектот каде пуштал музика-но страницата на резиденцијата била избришана.
Родителите во име на институциите трагаат по одговори.
Наместо одговор од што починал нивниот син, родителите на починатиот Љупчо добиле закани од Судска медицина. Ова го просведочи мајката Кети Лешко во „Претрес“.
Обдукцијата не е готова, вештачењата не се готови. Целото сведоштво за кобната забава во Скопје, но и за битката која ја водат чујте ги во поткастот „Претрес со Ландов“.
